Om oss

Gudbrandsdal historielag og Dølaringen vart slegne i hop til eitt lag i 2018. Fram til da var det to lag med si eiga historie.

Gudbrandsdal historielag vart skipa i 1919. Føremålet med laget var “å vekkje og nøre interessa for den heimlege kulturarven og soga i bygd og by, å samle og ta vare på verdfulle folkeminne og å gje ut eller yte stønad til utgjeving av bøker og skrifter med kulturhistorisk og lokalhistorisk innhald.”

Dølaringen vart skipa som regionalt mållag i 1914. Frå 1933 vart arbeidsområdet utvida frå berre målsak til også å “verne om dølakulturen i mål og minne, i sed og skikk, i arbeid og kunst.” Med føremål som i stor grad overlappar, hadde dei to laga mykje samarbeid også før samanslåinga. Mellom anna åtte dei kvar sin halvpart av Dølaringen boklag, som nå er avvikla. Det var også samarbeid om utgjeving av Årbok for Gudbrandsdalen.

Årbok for Gudbrandsdalen

Årboka kom ut første gong i 1930 som Årbok for Dølaringen. Sidan 1933 har boka vore utgjeven som Årbok for Gudbrandsdalen med eigen redaktør i samarbeid mellom Dølaringen og Gudbrandsdal historielag, som altså etter 2018 har vore ein organisasjon.

Frå 2025 er Bjørn K. Sletten redaktør for Årbok for Gudbrandsdalen. Kontakt e-post: bjorn.sletten@gmail.com

Finn og bestill bøker her